கமலின் தீவிர ரசிகர் குறித்து நெட்டிசன் ஒருவர் ட்வீட் செய்திருந்த நிலையில் அதற்கு இயக்குநர் லோகேஷ்கனகராஜூம், கவுதம் வாசுதேவ் மேனனும் பதிலளித்திருந்தது வைரலாகி வருகிறது.
கடந்த 2006-ஆம் ஆண்டு கவுதம் வாசுதேவ் மேனன் இயக்கத்தில் வெளியான படம் ‘வேட்டையாடு விளையாடு’. கமல்ஹாசன் ஹீரோவாக நடித்த இப்படத்தில் ஜோதிகா, கமலினி முகர்ஜி, பிரகாஷ்ராஜ், டேனியல் பாலாஜி உள்ளிட்டோர் நடித்திருந்தனர். இப்படம் தற்போது ரி-ரிலீஸ் செய்யப்பட்டு ரசிகர்களிடையே வரவேற்பை பெற்று வருகிறது. இந்நிலையில் நெட்டிசன் ஒருவர், ட்விட்டரில், “கமலின் ஃபேன்பாய் இயக்குநர் சண்டையில் முதலிடம் பிடித்தது கவுதம் வாசுதேவ் மேனன்தான் என தோன்றுகிறது. சாரி லோகேஷ்கனகராஜ்” என பதிவிட்டிருந்தார்.